အရေးကြီးတဲ့အရာတွေကို ပိုပြီးအာရုံစိုက်စေတယ်။ သင့် relationshipကို ရှင်းလင်းပြတ်သားတဲ့ မျှော်လင့်ချက်နဲ့ တာဝန်ယူမှုများဖြင့်သာ Boundaryတစ်ခု ထားမယ်ဆိုရင် သင့်ပေါင်းသင်းဆက်ဆံရေးဟာ ပိုအဆင်ပြေလာမှာဖြစ်တယ်။ ဘယ်လိုပုံစံမျိုးနဲ့ Boundaryထားရမယ်ဆိုတာကိုလည်း သိထားဖို့ လိုအပ်ပါတယ်။
သင့်ရဲ့ နေ့စဥ်ဘဝမှာ မလိုအပ်တဲ့ ဝင်ရောက်စွက်ဖက်မှုတွေကြုံနေရပါသလား။ အဲ့ဒီအတွက် စိတ်ပင်ပန်းနေရပြီလား။ သင့်လုပ်ဖော်ကိုင်ဖက်ကြောင့် စိတ်မသက်မသာ ဖြစ်နေရတာမျိုးရှိသလား။ လတ်တလော သင့်မိသားစုရဲ့ အပြုအမူတွေကြောင့် စိတ်ရှုပ်နေရပါလား။ ဒီလိုဖြစ်နေရတာက သင့်မှာ Boundary ကင်းမဲ့ နေတာကြောင့်ဖြစ်ပါတယ်။
Boundary အမျိုးအစား (၇)မျိုးကို တစ်ခုချင်းစီ လိုအပ်သလို အသုံးပြုမယ်ဆိုရင် အရင်ကထက် အများကြီးပိုပြီး စိ တ်လုံခြုံမှုရစေမှာဖြစ်ပါတယ်။
Physical Boundaries
မိမိခန္ဓာကိုယ် နဲ့ မိမိကိုယ်ပိုင် နေရာထိုင်ခင်းကို ထိပါးလာရင် ဘယ်လိုအတိုင်းအတာလောက်ထိ အဆင်ပြေတယ်ဆိုတာရယ် ၊ ဘယ်လိုအပြုအမူတွေက အဆင်မပြေတာရယ် (ဥပမာ- လက်ဆွဲနှုတ်ဆက်တာလောက်က အဆင်ပြေတယ် ။ အဲ့တာထက်ပိုတဲ့ ခန္ဓာကိုယ်ရဲ့ private areaကို လာထိတာမျိုးဆို အဆင်မပြေကြောင်း)ရှင်းရှင်းလင်းလင်း ပြောပြထားဖို့လိုပါတယ်။ နောက် မိမိသူငယ်ချင်းများက မိမိအိမ်မှာ အရက်သောက်ဖို့ ပြောလာတဲ့အခါ “ငါတို့အိမ်က အရက်သောက်တာမျိုး ခွင့်မပြုတဲ့အတွက် အဆင်မပြေဘူး” ဆိုပြီး ပွင့်ပွင့်လင်းလင်း ပြောရမှာဖြစ်တယ်။
Sexual Boundaries
ကိုယ့်ရည်းစား၊ကိုယ့်အိမ်ထောင်ဖက်ဖြစ်သည့်တိုင် လိင်ဆက်ဆံတဲ့အခါ မိမိမကြိုက်တဲ့ပုံစံနဲ့ မိမိစိတ်အဆင်သင့်မဖြစ်တဲ့ အခြေအနေမျိုးဆိုရင် အဆင်သင့်မဖြစ်ကြောင်းကို ရှင်းပြပါ။
သင်က ဘယ်လိုပုံစံ၊အချိန်ဘယ်လောက်၊ ဘယ်လိုအခြေအနေတွေမှာသာ လိင်ဆက်ဆံရတာ အဆင်ပြေနိုင်ကြောင်းကိုလည်း အမှန်အတိုင်း ပြောထားသင့်ပါတယ်။
Emotional or Mental Boundaries
မိမိအခွင့်အရေး၊မိမိခံစားချက်၊မိမိအတွေးတွေကို ဝင်ရောက်စွက်ဖက်ခြင်း၊ မမှန်မကန်ဝေဖန်မှုပြုခြင်းတွေ ကနေ ကာကွယ်ရမှာဖြစ်တယ်။ သူများတွေရဲ့ခံစားချက်နဲ့ အတွေးတွေကို အာရုံစိုက်ဖို့မလိုပါ။ (ဥပမာ- မိမိသူငယ်ချင်းက သူနဲ့အဆင်မပြေတဲ့သူကို အပေါင်းအသင်းမလုပ်ဖို့ တားတာမျိုး ၊သူငယ်ချင်းက မိမိသရဲကြောက်တာကို လှောင်ပြီး(သရဲကြောက်နေစရာမလိုကြောင်း)ပြောရင်း သတ္တိမရှိတဲ့သူလို့ ဝေဖန်တာမျိုး၊မိသားစုက မိမိချစ်သူနဲ့ သဘောမတူတဲ့အတွက် လမ်းခွဲခိုင်းတာမျိုး၊မိမိဝါသနာတွေကို ရှုံ့ချကြတာမျိုး)တွေ ကြုံရတဲ့အခါ မိမိခံစားချက်နဲ့အတွေးတွေဟာ မိမိနှင့်သာသက်ဆိုင်ကြောင်း နဲ့ သူများအမြင်ကို အာရုံစိုက်မှာ မဟုတ်ကြောင်း ပြတ်ပြတ်သားသားပြောဖို့လိုပါတယ်။
Spiritual or Religious Boundaries
မိမိကိုးကွယ်တဲ့ ဘာသာအား ဝေဖန်မှုများမပြုစေရန် Boundary ထားဖို့လိုပါတယ်။သူတို့ဘာသာ က ပိုကောင်းကြောင်းပြောပြီး မိမိကိုးကွယ်တဲ့ဘာသာကို ဝေဖန်တာမျိုးကိုလက်မခံသင့်ပါ။ ဘာသာမတူပင်မယ့် အဆင်ပြေပြေ ပေါင်းသင်းနေကြတဲ့ စုံတွဲများစွာရှိပါတယ်။ ဒါက တစ်ယောက် ယုံကြည်မှုကို တစ်ယာက်က ဝင်မစွက်ဖက်ပဲ Spiritual or Religious Boundary ရှိနေလို့ဖြစ်တယ်။
Financial and Material Boundaries
ပိုက်ဆံချေးတာ၊ ပစ္စည်းငှားတာကိုလည်း မိမိအဆင်ပြေမှသာ ချေးငှားသင့်တယ်။ မိမိဆန္ဒမရှိရင် ငြင်းခွင့်ရှိပါတယ်။ ယူပြီးရင် ပြန်ပေးဖို့လိုကြောင်းနဲ့ မိမိမသိပဲ မိမိပစ္စည်းများကိုယူသုံးတာ မကြိုက်ကြောင်း ကြိုပြောထားသင့်ပါတယ်။ မိမိလက်ထဲ ငွေအလုံအလောက်မရှိတဲ့ရက်မျိုးမှာ “ ငါဒီနေ့ နင်တို့နဲ့ ကော်ဖီဆိုင် (သို့) bar မလိုက်ဖြစ်ဘူးနော် ငါ့လက်ထဲငွေနည်းနေလို့” ဆိုပြီး ပွင့်ပွင့်လင်းလင်းငြင်းလို့ရပါတယ်။
Time Boundaries
မိမိမှာရှိတဲ့အချိန်ကို လိုအပ်တဲ့နေရာမှာ မှန်မှန်ကန်ကန်သုံးဖို့လိုပါတယ်။ (အလုပ်သွားခါနီး ရုပ်ရှင်ခဏကြည့်မိရာကနေ ရုံးချိန် နောက်ကျသွားတာမျိုး၊ စာမေးပွဲအတွက် စာကျက်ဖို့ရှိနေပင်မယ့် မိသားစုနဲ့အချိန်ဖြုန်းမိတာကြောင့် စာကျက်ဖို့ အချိန်ရတော့တာမျိုး)တွေ မဖြစ်ရအောင် time management outမသွားဖို့ Time Boundary ရှိဖို့လိုပါတယ်။(ဥပမာ- မိသားစုနဲ့အချိန်ပေးရမှာဖြစ်လို့ မနက်ကတည်းက အလုပ်တွေပြီးပြတ်အောင်လုပ်ထားတာမျိုး၊ အမေမှာလိုက်တဲ့မုန့်ကို ဝယ်ခဲ့ဖို့အချိန်မရတဲ့အတွက် အိမ်ကနေပဲ delivery နဲ့မှာဖို့ စီစဥ်ပေးတာမျိုး) ပြုလုပ်ခြင်းဖြင့် Time Boundary ထားသင့်ပါတယ်။
Non- Negotiable Boundaries
မိမိခွင့်မလွှတ်နိုင်တဲ့ ကိစ္စကိုလုပ်ရင် ဒုတိယအကြိမ်အခွင့်အရေး (second chance)ထပ်မရကြောင်း တစ်ဖက်လူကို ကြိုပြီးသတိပေးတာမျိုးဖြစ်တယ်။ မိမိချစ်သူကို တစ်ကြိမ်ဖောက်ပြန်တာနဲ့ ခွင့်လွှတ်ပေးမှာ မဟုတ်ကြောင်း ပြောတာမျိုး ၊ ငွေကြေးအလွဲသုံးစားလုပ်ရင် companyကနေ ချက်ချင်းထုတ်မယ့်အကြောင်း ဝန်ထမ်းတွေကို ကြိုတင်အသိပေးတာမျိုးဖြင့် (ညှိနှိုင်းခွင့်မပေးတဲ့) Non- Negotiable Boundary ရှိသင့်ပါတယ်။
ဒီBoundary (၇)မျိုးကို အသုံးပြုပြီး တိုးတက်လာတဲ့ ဘဝနေထိုင်မှုပုံစံ နှင့် လူမှုဆက်ဆံရေးတွေ ရရှိဖို့ ဆန္ဒပြုပါတယ်။